وروحي عليك ولهانة
انا ودي اوصل حضرتك
وامسك الشباك بيدي الوجعانة
واجلس سيدي تحت قبتك
أقرا زيارة احسين واعوانه
واطلب من الباري شفاعتك
اقول يارب احسين ورضعانه
تغفرخطايا و ذنوب لعبدتك
اللي اجت هذا المشهد شفقانة
تبجـي وتحــن لمصيبتـك
ياللي جنت للمصطفى ريحانة
وجني بالزهرة داخل حضرتك
تبجي وتحن بجفون حرانة
تقول يوليدي حسين مصيبتك
هونت عندي كسر الضلع والامه
واللي تواسيني يحبيبي شيعتك
تصرخ آه ياحسين واخوانه
وتنعي على العباس حامل رايتك
اللي فداك بروحه وذرعانه
يوم وصل للماي ذكر عطش مهجتك
ونسى روحه ومهجته العطشانه
وعزم يجيب الماي لسكنة بنيتك
وماهمته جيوش العدو وميدانه
كل همه يوصل الماي لخيمتك
ويروي اقلوب الاطفال اللهفانة
لكن راح العزم حين طاحت رايتك
وفقد بالغدر نور عينه وذرعانه
أهات زينب