حسين الشمس
ضريحك سيدي شمس
واحنه الكوكب حوله ندور
رادو يحجبون نورك عنه
لكن نورك مثل نار التفور
كل مجره بيه شمس وكواكب
بس
ماكو كواكب تتعنى وتزور
لان ماكو شمس مثل حسين
تنطي شفاعة وحب موبس نور
حتى ينمحي دين الله كتلوك
صار دمك هو المعلم بكل العصور
ضحيت لاجل الدين ولجل العقيدة
وطاحت منك ذاك اليوم البدور
بني هاشم اهل الكرام والزود
بحر كرامة وعز مدرسة احرار
بحرهم يفيض علكل البحور
مبارك يلموالي من تتعنه وتزور
وطوف يم ابو السجاد
والزهره من فوك تنشر مناشير
زوار الحسين بيدي ازكيهم
واليبجي علحسين اضم دمعة بقوارير
انه الوالده وكَلبي مالوم
وما انسه اليواسيني حتى لو صغير
الموالية