يناس قلبي تفطر لمصاب ابن الزجية
وبدل الدمع صارت تصب ادموم العين

لا تلوموني ترى هذا الحزن مو بيدية
حبه مالك قلبي ومستحكم الجفنين

من اتخيل وقفته بطفوف الغاضرية
محتار وحامل رضيعة فوق ليدين

وزينب تعاينـه ذيـك الحـرة الابيـة
ومثل المطر تهل مدامـع العيـــن

وتصيح والله حيرتك تصعب علية
وين عنك ابو الحملات ابوالحسنين

العطش فت قلب الرضيع ويه عليه
روح اطلب الماي من العدا يحسين

قال تدرين الماي صار محرم يخية
والجيب الماي فوق النهر بلا ايدين

لكن فوضي امرك يخيه لرب البريه
واطلبي من الله يسلم لك احسين

وتوسلي لله بالمصطفى خير البرية
وبالبطل حيدر علي والد السبطين

وبمــك فاطمـة الزهــرة الزجيــة
وبخيك حسن اللي للنبي قرة العين

وتوسلي بحيرة احسين ياهاشمية
وتوسلي بولاده التسعــة المياميــن

قولى عسى ماروح ويا العدا مسبية
عقــب ماينذبـح نور عيني احسيـن