شكاية زينب

صدق زينب بت علي ركبوها على كـور
وهم صدق قطـعت هالحزينة ذيـك لبرور
وياها اطفال اصغار قاست شمس وحرور
والمصيبة الاطفال قاتلها الجوع وعطشانة
بس أسايـل وين ابـو الحسنيــن وينـه
حاضــر الشــدات وحمـاي الضعينــة
يشــوف عزيزتــه مسبيــة وحزينــة
وعلــى افــراق الاخو روحهـا لهفانة
مرة تنظــر لليـميــن ومــرة للشمــال
محتــارة ام المصــايب وتايــه البــال
تبــاشـر للعليــل لــو تبـاشـر للعيــال
ممتحنة زينـب بـت عــلي وحيــرانــة
واكبر مصيبة يوم وصلت بلدة الشام
والناس قامت تتصــدق على الايتــام
نادت على بوهــا علي زراق الرخــام
احضر ياابو الحسنين لعيالك الولهانة
تـرى مــن الشماتــة القــلب مجــروح
وكــادت يابـويــه روح العليــل تـروح
كل ماشاهد على الرمح راس ابوه يلوح
وترى من المرض روحه غدت وجعانة
وأعظم علية ياعلي دخلتي بمجلس يزيد
كل ماأذكرها يبويةانتحب و حزني يزيد
بس اجاذب الونة واصفـق ايد على اـيد
واتمنى ترد لبو فاضل عينــه وذرعانــة
واللـتي قتلني راس ابــو اليـمة الحــبيب
بطشـتت يـزيد و يضـرب سنه بالقضيب
لاتلومني بويه ياحيدر من اشق الجـتيب
تمنيت ذيك الساع لون اعيوني عميانـة
 

أهات زينب