انـا زينـب يالوالـي=والقضا مرمـر حالـي
مصايب كل يوم اكبـر=افـادي منهـا مفطـر
باول عمـري وتالـي=شعـدد مـن احوالـي
جتنا المصايب يحسيـن=من ولت اعدانا الماي
فتني نـوح النساويـن=واصغارها التبكي حذاي
ذوبنا العطـش تدريـن=يمخدره انريـد المـاي
وين عزوتنا المعدودين=أهل الحزم أهل الـراي
على العطـش ماتقـدر=تشوف الماي وتتحسـر
وتنتحب كلهـا قبالـي=شعـدد مـن احوالـي
وزاد البكا بلخيام=يومن جبت الاكبر
طرحته بين ليتام=جسمه بسيوف مطبر
ومددت جنبه جسام=خضابه دم المنحر
معرس وبذاك اليوم=ينذبح ولا يقبر
ناديت بدمع هتان=من عقبكم يشبان
هالعيشه ماتحلا لي=وشعدد من احوالي
واما الكسيره يحسين=لمن نظرت العباس
السهم صايب العين=والعمد فاضخ الراس
ناديته ياماي العين=حيرتني بين أرجاس
ظهري كسرته والحين=بيتي وقع من الساس
ورديت خيامك حيران=شفت رضيعك عطشان
جسمه من العطش بالي=وشعدد من احوالي
ورحت الحومه بلرضيع=ضنك لعدا يسقونه
ولبت لك القوم سريع=على كفك ذبحونه
ورديت بطفلك صريع=تنادي يا محزونه
لمي عيالي للتوديع=قتلي يختي اليوم حينه
ودعت خويه عيالك= وحيرتني بطفالك
محامي غيرك مالي= وشعدد من احوالي
رحت يحسين الميدان=وبسهم لعدا صابوك
تقنطرت من لحصان=مرمي بالغبره خلوك
وردوا عليك العدوان=ظامي يمظلوم ذبحوك
وتعلى راسك بسنان=تاليها بالخيل داسوك
وهجمت علينا العسكر=والنار بخيمنا تسعر
وتطشرت عيالي=وشعدد من أحوالي