عين الشجاعة
 

طب نهر الفرات يحشمه العباس
بس شاف النهر كطراته محدوده
ولأن عباس شايل غيرة العباس
مايكدر يعوف الشيعه ممدوده
حط فوك الشريعه الجربه تجري الماي
وليومك علينه الجربه مهدوده
***************
عين الشجاعة
فك باب الدمع خل تحزن الناس
وشك زيج القوافي وضيم السنين
وطش جف الملح بعيون النعاس
حته نظل حرس فوك المساكين
ولا تعزف صبر مايحمل احساس
لان كلشي صعب بعيونه يلين
ولاتزرع ورد يم شجرة الياس
خوفي عله الورد من الشياطين
تينك لو كبر لتشلعه بالفاس
يجي يوم التحضنك شجرة التين
اذا وجه الصبح من الظلم جاس
عله الدنيه السلام ويه السلاطين
عاين علزلم تلكاهه مقياس
كل واحد رسم خط ونياشين
اكو واحد رمل بس ينحسب ماس
واكو واحد ذهب بس ينحسب طين
طب نهر الفرات عله الجثث داس
كال الماي اعز لو جفي والعين
حط عينه ويه جفه هناك عباس
وجر النهر كله وجابه لحسين
 

وسام البصري