ياحسين

يا ناس صلوا وزيدوا على نبي واله





للي ما صلى وسلم لا خير فيه

نبداو كلامنا بالصلاة والسلام عليه





وعلى آل الأبرار الأطهار الأخيار

نقد الناس من الأخطار وكيد الأشرار





رسل ربنا الرحمان للجن مع لبشر

خلا فينا كتاب مكمل وإمام منتظر





ويا ما وصى عليهم وعلى الدرية الأبرار

الغدير والطير المشوي وخيبر والدار





والاندار واضحين بحال شمس فالنهار

أش يقولوا هذ الناس للواحد القهار





قوم حسد بدلوا وغير معروف بمنكر

قالوا كلام الرسول يكون فيه نظر





بغينا غير للكتاب وكلام الله فيه مسطر

يا ناس هدي حكاية حق ماشي خيال





لازم تحكوها لأولادكم كبار وصغار

حكاية حزنت وبكات السما بدم ومطر





بكات أهل الأرض بلي فيها جن وبشر

يا ناس هدي قصة حسين عليه السلام





قصة لغريب لحزين المذبوح العطشان

قتلوه آل سفيان معاوية يزيد ومروان





وعمر وشمر وزياد قلوبهم قصا من لحجر

مازالوا موجيدين معناحتى فهد الزمان





فقلبهم حب الدنيا والنسا عماهم الدولار

هما من قبل كسرو ضلع أم الزهرا





وغدروا الوصي وسموا لكريم الحسن

يا ناس هدي قصة وقعت في خير الأزمان





ما تقولوا ما فهموا وغلب عليهم النسيان

تسلط بالسيف على امة الخير والإحسان





آل سفيان ومروان بالغدر والظلم والبهتان

اللعين أرسل الملعون وقال لآل مروان





خد لي بيعة من حسين وأعطيه لمان

خد للي منو بيعة نولد الامير المصون





وادا ما بغا السيف لو في بيت الحرام

يا ناس يا سامعين هدو الملاعين آل سفيان





حاربوا الحق وقتلوا وسدوا علينا البيبان

حرفوا الدين لغاو من قلوب الناس الإيمان





يا ما رملوا نسا وقتلوا شيوخ وصبيان

لما بقا الدين بلا جهاد بلا إحسان





وتسلط العربيد السكير ولد هند وسفيان

إمام وسيد الناس بعد لحبيب يتلعن فالأوطان





فوق المنبر مشات سنة بآمر الطاغية السلطان

كثر لفساد ولغنا ولخمر وعبدوا الأوثان





تعداو حدود الله بزاف داك العديان

هدا سيدنا حسين قام ما يرضى بالعار





والذل شكون يحيي الأمة غير سيد الشبان

خرج يا ناس من بعد ما خانوه لصحاب





شي بغا يعبد الله وحد في بيت الحرام

وشي بغاها لنفس وقلب بالحقد مليان





والكره على العترة وال سيد الأنام

بغاو الجنة بلا ما يغيروا طاعوا السلطان





قالوا اللهم ظلم السلطان ولا كثرت لفتان

ما يجاهدوا ما يحرضوا غرهم الشيطان





ما يقدروا يغيروا منكر ولو غير باللسان

خرج من بعد ما صلى وزار سيد الأنام





خرج ما بغا غير يصلح في امة الإسلام

خانوه من بعد ما بايعوه شي قومان





تشروا بالمال آه على مسلم وهاني الشجعان

جا عندهم للكوفة ولد زياد ولد النسوان





جابلهم العسكر ما يرحم ما فيهم أمان

عمر وشمر باعوا دينهم داك العديان





ما عطاهم وما كرمهم اللعين غير بالنيران

الرجال قلال بحال هاني ومسلم أهل الإيمان





قتلوهم الغدارة ومالهم من عند الله غفران

حب لحكام بغاوه بزاف شي قومان





موجودين بكثرة وبلا حساب فهد الزمان

يبانوا بحال أهل الإيمان ما فيهم أمان





وقلوبهم للشيطان م ما يديروا غير الفتن

بقا الغالي حسين وحدوا في الميدان





فارض كربلاء وأهل بيت كلشي عطشان

عديان الله قطعوا الماء الله يقطع عليهم





الرحمة ويسكنهم وللي والاهم دار الخسران

ياحسين يالعطشان يا سيد الشبان فالجنان





حرموك من الما يجري مليانة به ويدان

قالهوم خالوني نمشي وأهل فالأوطان





في ارض الله أنا ما نرضى بهد البهتان

جاوبوه وما فقلبهم رحمة قالوا يا حسين





ما تمشي حتى تقبل بيعة مولانا السلطان

يا سامعين ما يمكن نوصف ذاك العدوان





على العثرة الاطهار اولاد سيد العدنان

والله يا موالين ظلم ما كان في شي زمان





الله يعظم أجورنا وأجوركم يا أهل الإيمان

ليلى خرجت تنادي وتقول يا حسين





هدا عبدا لله الصغير ولدكم الرضيع عطشان

قالهم سيدنا رحموا الرضيع رحموا الصبيان





فين النخوة والضمير فين المروءة يا عربان

ذبحوا ولد عبد الله عمروا قلبوا أحزان





ارفع يد بدم وقال يا ربي اقبل هد القربان

للي داروه آل سفيان مع آل سيد الأنام





ما داروه يهود ولا نصارا ولا كان في شي زمان

لا خير فلي ما بكى ما احزن وللي رضيان





بفعالهم اللعنة تنزل عليه من عند الديان

وادا قلت اللهم هدا من منكر فهد الزمان





يجاوبوك بلا حيا بلاحشمة أنت عدو آل سفيان

أنت وقيلا من أصحاب الضلال والبهتان





أنت وقيلا من أصحاب الكفر العديان

المال والنسا عبدوه بزاف داك القومان





بالليل والنهار غافلين على اغدر الزمان

يا داك الإنسان يا للي بغى يوحد الرحمان





مالك غافل على العثرة فكلام الرحمان

ياخويا فق باركةعليك من أحلام داك الزمان





والله ما فينا خير إلا مامشينا مع آل البيت والقران

كثر النفاق والكلام فالعلماء فهد الزمان





عجبهم الدين غير بالصلاة والصيام بلا إيمان

فيق يا داك الإنسان ولا تكن غفلان وسيهان





هدي أيامك جاهد باش تنجح فالامتحان

لازم تبكي يا موالي تفوز برضي الديان





لازم تغضب لازم تثور على الظلم والطغيان

بحال حسين ماشي بحال شي قومان





غرهم وتزعمهم العاصي الملعون الشيطان



2 محرم 1421هـ



أنفرس

حكاية

قلوب خاوية غفلانة





وعقول تايهة ولهانة

قلوب مكسرة وعطشانة





وعقول مايلمة وحيرانة

العين ما بغات تشوف





كلشي واضح ومكشوف

قالوا وحكاوا حكاية لي





كلام كل خاوي وبلية

قالوا الله ادم ليه شبيه





بالوجه واليد ورجليه

قالوا للي ما عمرو يتقال





كلام كبير ما عندو أصال

قالوا الله شرع وحرم





وجماعة في الدين تهدم

في ملك محمد تقسم





ولا واحد فيهم بغا يحشم

قول الله كلام موزون ومتين





وزد عليه خلق الصادق الأمين

تمسكوا يا موالين بسيد المرسلين





وكونوا مع أهل البيت الصادقين

تمسكوا بالقران المبين





وبالعثرة هما الحصن الحصين

واش خلاونا من الدين





عقولهم تالفة المجانين

ورث الحقد ولحسد من سنين





والغلظة وما وقروا المؤمنين

الجاهل كثر لغاه ويتفنن





يفتي بعينيه ديمة مغمضين

الدين فين وفعالهن فين





لا للقران ولا بالعثرة متمسكين

الجهل كثر فينا معاه الخوف





وبنادم اليوم حاير متلوف

لمسلمين اليوم أحزاب بالألوف





وعلى الزعامة كلشي ملهوف

لحسين ذبحوه بحال لخروف





وغيروا في الدين شلا حروف

لحكيم فينا ساكت ومكتوف





والحق يحاربوه بالظلم والسيوف

كل واحد اليوم داير جماعتو





ويقول من عند الرسول خدا سيرتو

كل واحد فيهم يكفر فخوتو





وشحال من لرواح مسلمين فذمتو

كل واحد فيهم يلغا بلغتو





وادا يتجمعوا يتصالحوا ديما يغوتو

كلها يدافع على مصلحتو





بحال إلا كل واحد عند ديانتو

قام لحكيم اعقد همتو





قالهم يا ناس غير سكتوا

واش مازال ما عييتو





مالكم تقاتلوا وتحاربتوا

قالهم جلسوا وتصنتوا





نقول لكم كلمة إلا فهمتوا

هدا حسين وهدي حكايتو





بجاه لحبيب تنزل احمايتو

لما أصباح للمنكر كلمتو





ويزيد نصب وعلا رايتو

اللعن ولخمر هي سلعتو





ولفساد والظلم علات قيمتو

خداو الملك بالعضان





والمسلم ما يلق الرحمة ولمان

قام سيدنا سيد الشبان





ما يرضى بالذل والهوان

قدم رأس وأهل قربان





باش تحيى الأمة والقران

يزيد الملعون للدم عطشان





معاوية وهند وأبو سفيان

تزعموا حزب الشيطان





حاربوا أولياء الرحمان

دار للي ما يدار العديان





مصيبة ما كانت فشي زمان

فرقوا وحاربوا لمسلمين





الله يلعن التفرقة قولوا آمين

وصبحنا في دروب تالفين





وعلى طريقهم الضايعة ماشيين

علمونا لكذوب والنفاق





خلطوا الباطل مع الحق

شي يكفر بلا ما يتحقق





وشي يجمع ولا خر يفرق

وادا قلت شي كلمة حق





روحك يطلعها قبل ما تزهق

سلعتنا لفهامة ولكلام مزوق





هدا حالنا وقلبي بالحزن يتمزق

فوقاش نجمعوا كلمتنا





وناخدوا من حسين همتنا

بالحبيب محمد وال ربي يحمينا





وما ينجى غير للي ركب في السفينة

الله لكريم يهدينا ويثبتنا





وينصرنا وقوي عزيمتنا

بالمهدي تعلا رايتنا





ويخزي الله الجبار عديانا


اللهم صل على محمد وال محمد الطيبين الطاهرين



13 محرم 1426هـ



بروكسل

يالعاقل

يالعاقل شد وعقد همتك





ولا تفرط فحسن سيرتك

سول واسمع واصدق تتعلم





وابحث وقرا وانتبه تتفهم

وتواضع مزيان قبل ما تتكلم





وكن عاقل وحكيم قبل ما تتكلم

ياالعاقل شد وعقد همتك





ولا تفرط فحسن سيرتك

التالفين حذرهم لا يغرك





وبكلامهم الخاوي لا يسحروك

ولا يتلفوك ولا ودروك





فدروب تالفة يغبروك

شوف لكلامهم قاسي





وفعالهم كلها غير ماسي

لا تصاحبهم ولا تسمعهم





وادا لقيتهم بعد منهم

ما كبرت بعد اسنانهم





ولكذوب عامر به عقولهم

واش تمكن دير لهم





قل الله يهديهم ولا يديهم

بالعاقل شد وعقد همتك





ولا تفرط فحسن سيرتك

صلي على الحبيب وسلم





وعلى الأطهار لا تتقدم

هما الآل إمام ورا إمام





حبهم واليهم تزيد نقدام

محمد سيد وخاتم الأنبياء





وعلي حيدر خير الأوصياء

والزهراء سيدة النسوان





والسبطين هما سياد الشبان

معهم جبريل تحت الكساء





وبلابهم ربي ما يقبل الدعاء

فين تلقى بحالهم خلاوهم





عداوهم مشاو مع غيرهم

شي سموه وشي غدروه





شي ذبحوه وشي حي دفنوه

هدي سيرة ونهج التالفين





الدين فين وأخلاقهم فين

يا العاقل لا تقرب ليهم





ولا حتى الحق يقر فيهم

نوصيك خد بوصاية النبي





السيد محمد أبا القاسم الأمي

قال المولى هو علي





الإمام السيد الولي

الساقي فالحوض بالماء





والفارق فهد الأمة

والعلم والشجاعة تمة





وعند توجد الحكم

بالعاقل اعقد الهمة





ونبه نفسك النايمة

أخلاقهم نور على نور





وكلامهم يفسر المستور

حياتهم سر من الأسرار





وفضايلهم شمس فالنهار

تلقى الخير بحبهم والبركة





ويحميك الله والأطهار والملايكة

بالعاقل شد واعقد همتك





ولا تفرط فحسن سيرتك



10 مارس 2005



بروكسل