ميلاد مهدينا

اليوم يا مهدينا تكمل فرحتنا





يوم نشوف ظهورك يا قائمنا

اليوم يوم فرحتنا يا مهدينا





اليوم بشرى خلاق الهادي منقذنا

في دار الحسن اليوم شعبان





عند سيد الأبرار وإمام مصان

نحبوه ونواليه ونتمسكوا به





رواحنا وأموالنا نهديوها ليه

قولوا يا لصحاب يالخوات ليه





تركتوا الباب وشدتها عليه

المهدي سيد ولاد الزهرا





كلشي باين غير للي مابغا يقرا

بالله باقي ماعرفتوا العترة





بلا بهم امتنا وكلمتنا مكسرا

صلوا على النبي الأمي واله





للي ما صلى وسلم لا خير فيه

صلوا ياسامعين على مهدينا





ولا تكونوا مع للي كفرو بيه

يا لحباب حكو حكاية المهدي





لأولادكم وحفظوها من النسيان

مهدي يا قايم بالحق يا مهدي





طالت الغيبة وتلف الإنسان

مهدي يا نور عيني يا مهدي





لمحاين نزلت علينا فكل لمكان

ليك يا منقذ العجل يا هادي





العجل قبل مايغلب الشيطان

فيومك مانعرف نبكي ولا نفرح





يا مهدي ولا نصيح سمع يا غفلان

مهدي يا ماحي الظلم يا مهدي





ومكسر نيف ليهود وعباد لأوثان

دارو فينا ما بغاو العديان





هدموا قتلوا شوف كلشي عريان

والمسلم مع خاه ما لقى أمان





هدا حال امتنا يبكي فهد الزمان

الظلم فكل لمكان وكثر الطغيان





يا مهدي أدركنا بحق الرحمان

يا مهدي نوالي ليك ونقول





هنيئا لآل الرسول هدي هي الأصول

يا سيد لأسياد فالغدير الرسول





قال بلا بكم ماكاين إيمان مكمول

يا داك الإنسان لا تكن سهيان





واش عرفت إمامك فهد الزمان

يا داك الإنسان احذر الشيطان





توب واركب قبل مايجي طوفان

وتبرا من الذنب للي كان





ومن ولاية كل من والى الشيطان

نوض وقف يا داك الحيران





على رجليك لا تخاف من الخذلان

غير تكلم مالك ساهي تلفان





خايف قل شي كلمة تفرح لعدنان

قولوا معايا يا مهدي يارحمة





من عند الله هدية لكل الحيران

يا مهدي بك نحيا ويعزنا الله





تطمأن قلوبنا وتعمر بالايمان

يا مهدي اقبل مني والسامعين





طالبين من الله التوبة والغفران

يا مهدي يا قايم فهد الزمان





الله والرسول اعطاوك لمان

لو يقتلونا ويعمرو دمنا ويدان





لو يجي معاوية بجيش لمريكان

يا مهدي بك نزيدو ديما نقدام





يطيح كل طاغية فرعون وهامان

عاهدناك وعهدنا ليك مصان





ما يمكن غيرك نقبلوه إمام

الله يعجل ويفرج فهد الزمان





أنت العدل أنت الرحمة والإحسان

تهانينا تهانينا تهانينا





ليك قدمنا رواحنا وهدينا



14 شعبان 1425



بروكسل

العطشان

يا العطشان لا تقلب في دنيا فانيا





ثبت قدامك ولا تحطها فمكان هاوية

يا العطشان دواك بيدك ونفسك غالية





ولا تخذ دواك من دراري لا هية

يا الولهان في دروب نوارها طافية





لمكان يديك لمكان وأحلام بالية

يا الغافل احذر أزمان لا يغرك





ما ينفعك وما يضرك غير افعايلك

صاحب ناس يكونوا عوين ليك





واصدق ففعايلك ونيتك ربي ينجيك

واذكر الله ولا تنساه يشفيك





واعبد واستغفر بالليل ربي يحميك

وحسن من أخلاقك تزيد هبتك





واخدم رجال تلقاهم ديمة فجنبك

ارحم وأتصدق تسد بيبان عليك





رآه يدخلها شيطان منها يغويك

واصبر وصابر عمر الله ما يخليك





والتغيير كل مرسوم بين يديك

غير ما فيك بحكمة يغير الله ما بك





واحمي نفسك من شبايك لا تلهيك

كلشي يقول فيك ويترجاك ويناديك





ارحمنا بجاه العلي الله يهديك

يترجاك تتمسك بالعترة الباقية





تنور ليك حياتك وطريق صافية

هما سفينة أرباح الفرقة الناجية





سيرتهم وحياتهم وأقولهم حكم كافية

ما يضل غير للي قلوبهم لا هية





على الأنوار المحمدية الربانية الغالية



14 مارس 2006



بروكسل

أمتنا

يا الساكن في دار الغفلة





بالراقد على جنب مايلة

لا الدنيا جبرتها سهلة





ولا هي على بنادم سايلة

داير ديمة زلة على زلة





حياتك غير نوم ومكلة

النعم يابنادم ماشي طايلة





والذنوب ولمعاصي منك سايلة

بنادم حكاية كلها متواصلة





خسر وبذل الآخرة بالأولى

المال والنسا ديرين فعلة





والملك زهاق أرواح هايلة

لكبير لهو شبع واقنع





ولا هو سجد وبغا يركع

لا للقران ولا للسنة يتبع





ولا هو لكلام الحق يسمع

على خوت ديمة ضبع وسبع





وللعديان يترعد ومطوع

ويا ما شحال من كرش جوع





وشحال من صرخة حق اقمع

ادا اصدر قرار يجلس مربع





ومن خلفهم غير يباعباع

الخير كل أعطاه بلا ما يتباع





لا نفس ولا حتى الأمة ينفع

امتنا لازم تهز الرأس





تيني الحق على خير أساس

امتنا ما زال تحكم الناس





بلا تهريج وبلا قرطاس

بالرحمة والكلمة بالقياس





ما شي بالإرهاب والدراس

خلق النبي هو خير لساس





والمهدي يغربل فينا بالكسكاس

ما يجمع غير قلوب الماس





ويطوع أصحاب الوسواس

يا بنادم باركة من النعاس





والغنا رآك فطريق الخناس

الإيمان والتقوى خير لباس





واشرب من حب المهدي كاس

والي وألزم ما تشوف باس





وبعد وتبرا من أصحاب التفلاس

واركب قبل ما يوقع الفأس





فالرأس رآه إبليس عليك عساس

اركب فسفينة مع سياد الناس





قلوبهم مطهرة ما فيها خناس



16 فبراير 2006



بروكسل

يا مهدينا

حنا نستنو فيك يامهدينا

 

ولا راك ديما تساين فينا

إلا بغينا الله ربي ينجينا

 

ركبو يالجواد فهد سفينا

ظلم كثر بلا قياس فينا

 

وسفيه صباح يفتي فينا

تاه لعقل وتعبنا وشقينا

 

رحم هد الأمة لمسكينا

شنو ما سمعنا ما يكفينا

 

مغانين بغنا ولا كرهنا

القيل والقال هو ليعجبنا

 

ولفساد كثر قدام عينينا

حنا نستنو فيك يامهدينا

 

ولا راك ديما تساين فينا

إلا بغينا الله ربي ينجينا

 

ركبو يالجواد فهد سفينا

ريسها سدي محمد نبينا

 

وعلي إمامنا لي حامينا

نحبوه ونزيدو ليه فحبنا

 

بغا خوتنا ولا كرهونا

بحق الزهراء الغالية علينا

 

ظلموها وسدو لباب علينا

وبجود وكرم حسن إمامنا

 

بحكمة فضح لحرف ديننا

وبدم حسين حيات أمتنا

 

وعلى كربلاء بكت قلوبنا

حنا نستنو فيك يامهدينا

 

ولا راك ديما تساين فينا

إلا بغينا الله ربي ينجينا

 

ركبو يالجواد فهذ سفينا

وبالسجاد قبل ربي دعانا

 

وبالباقر والصادق تعلمنا

وبموسى والرضا دوانا

 

وبالجواد والهادي تخلقنا

وبالحسن بانت حكمتنا

 

وبالهادي القايم هدايتنا

هدو هما سيادنا وأئمتنا

 

واش تقولوا فيهم ياخوتنا

حنا نستنو فيك يامهدينا

 

ولا راك ديما تساين فينا

الا بغينا الله ربي ينجينا

 

ركبو يالجواد فهد سفينا

نور ورحمة وهداية تقودنا

 

هذو هما سفينة لي تنجينا

علاش يا تالف تكبر وتنادنا

 

وانت راك تقتل فينا

الله ما بغا الظلم فديننا

 

ولا هدا كان خلق نبينا

علي وبعلي ربي يحمينا

 

وراية ما تنزل من يدينا

حنا نستنو فيك يامهدينا

 

ولا راك ديما تساين فينا

الا بغينا الله ربي ينجينا

 

ركبو يالجواد فهد سفينا

والينا وهدا ماش عايبنا

 

قرنا وعرفنا كذبو علينا

لما عرفنا ركبنا فسفينة

 

ياتالف شوف حالك تهنينا

وشي ما زال يكذب علينا

 

وبكلام ملحن يفتن فينا

يا ما كفر وخرب فبلادنا

 

بسم الدين ويقتل فولادنا

حنا نستنو فيك يامهدينا

 

ولا راك ديما تساين فينا

الا بغينا الله ربي ينجينا

 

ركبو يالجواد فهد سفينا

اما حنا ديما لعقال حكمنا

 

بأخلاق وأنوار أئمتنا

ما يمكن تلقا فغير مذهبنا

 

علي حيدر والي علينا

وفاطمة سيدة افضل نساءنا

 

والسبطين هما سيادنا

هما أسياد الشباب فالجنة

 

حسن لكريم ولغريب حسينا

حنا نستنو فيك يامهدينا

 

ولا راك ديما تساين فينا

الا بغينا الله ربي ينجينا

 

ركبو يالجواد فهد سفينا

حبناهم بقلوبنا وعقولنا

 

وبهم تتوحد كلمتنا وأمتنا

وربي ينصرنا بمهدينا

 

وتبان الهبة ورجلوتنا

بالمحبة والصدق فقلوبنا

 

ربي يغير العيب لي فينا

ويظهر امامنا يا مهدينا

 

ويكون داك اليوم عيدنا

حنا نستنو فيك يامهدينا

 

ولا راك ديما تساين فينا

الا بغينا الله ربي ينجينا

 

ركبو يالجواد فهد سفينا

ركبو ولا تخافوا فالسفينا

 

بالصلاة والسلام على نبينا

وال لحباب يشفعوا فينا

 

وعلي يوم لحشر بلما يسقينا

بالصلاة والسلام نختم دعانا

 

وبالفرج لامامنا مهدينا

وبالخير والنجات لاخوانا

 

وبالرحمة لجميع امواتنا

بالسداد لعلماءنا ومراجعنا

 

وبالنصر والغلبة لمجاهدنا

وبالوحدة ولمحبة لشعتنا

 

وبالحيا والعفة لنساءنا

والحمد لله ربي العالمين

 

انه سميع مجيب دعانا



 

10 مارس 2005



 

بروكسل