|
|
يومك هاليوم، يا لأكبر لتهـاب الگوم، يا لأكبر تنتظرك ساحة ميدانـك من دمك سجل عنوانك * * * يا طموح الـــــروح والدك وانخــــــــاك هاك اخـذ گلـــــــبي للحـــرب ويــــــــاك خل يصــــــد اسهام كل مـــرامي اعداك ديـــنك ايريــــــــدك ما تعــــــــز ادمـاك اسرع للموت، يا لأكبر واسمع هالصوت، يا لأكبر لتهمك كثرة عدوانــــك مــــن دمك سجل عـنوانك * * * للمنايــه عـــــــيون شاخـصه يــــــــمك هالقلم سيفــــــــــك والحـــبر دمــــــــك يبني روح اكـــــتب صفــحه من عزمك خل يظـل خالــــــــد بالدهــــــــر اســمك دمك لو سال، يا لأكبر أصبر عالحال، يا لأكبر بالمدمع أخمد نيرانـك من دمـك سجل عنوانك * * * بالحــرب گبــــــــلك ضحت الأنصــــــار النوبه يبني اعـليك صــــــــارت الأدوار يا مـن ابخلــــــــقك تشــــــــبه المختـار وهمــــــــتك همـــة والــدي الكـــــــرار ابوصف الأجداد، يا لأكبر عزمك يزداد، يا لأكبر مكتوبه ابصفحة وجدانك من دمك سجل عنوانك * * * عيني لو شافــــــت منحرك مگـــــطوع تحـبس الدمعــــــــه وما تهل ادمـــــوع والنصر أعــــــــظم من گلب مفجـــــوع ابعينك وعــــــــيني هالأمل مطـــبــــوع أنت الموصوف، يا لأكبر ما تعرف خوف، يا لأكبر من عـــزمك فجر بركانك مــن دمك سجل عنوانك * * * موقـــفك يبــــــــني ايتــــوج الأيــــــــام أشــــــــرح بـــدمك منــــــــهج الأحـكام يبــــني خليــــــــني آنـــــــــــــه والآلام عگــــــــبك اتحــمل اشما تجيني اسهام روحي اتناديك، يا لأكبر گلبي ايحاچيك، يا لأكبر من عزمك شيد بنيانـــك من دمك سجل عنوانك * * * يبني هاي الگــــوم كلــــــــها تنـــتظرك والگصد واضـــــح رايــده اتغــــــــدرك بالمعاره اســــيوف تنتــظر نحـــــــــرك للهــدف للديــــــــن لا تعــــــــز عـمرك للمصرع روح، يا لأكبر روح انطي الروح، يا لأكبر صنديد وثابــــت ايمانك مــــن دمــــك سجل عنوانك * * * بگـــلب ينضح زود ودع الـــــوالــــــــد اتوجه أعله الموت للحــــرب وافــــــــد وگف ثابت جــــاش بالعــــــــزم صامــد وتعرف الأجــــــيال يا هــدف رايــــــــد كل جيل ايگول، يا لأكبر أنـــت المأمول يا لأكبر بس المنحر يرفع شانـك من دمك سجل عنوانك * * * ابمقتبل عــــــــمره للحــــــــرب داخـــل واقعي ومــــــــاراد ايساوم الباطــــــــل من اجل غـــــــــايه سامية ايناظـــــــــل ويثبات الــــــــروح للوغه ايواصـــــــل صوت الحگ صاح، يالأكبر نهضة اصلاح، يا لأكبر بالصارم قــــــــدم برهـــانك من دمك سجل عنوانك * * * ابطابع الإخــــلاص قـــــدم اوريــــــــده من المعاره اتشــير عــــــــالمجد ايـــده گبل أبوه حســــــين مصرع ايريـــــــده وهــات الآجــــــــال هــــذا ترديــــــــده نحرك مذبوح، يا لأكبر دمك مسفوح، يا لأكبر لا زال اموسد تربانك من دمك سجــل عنوانك * * * وارتفــــع هالصوت من الحرب صاخب صــاح انجــــــــدني يا فـــــــــرع غالب اتوجـــــــه المظلوم چالأســــــد غاضب شاف دمـــــه يسيل والجســــــم شاحب ابحزني اتعنيت، يا لأكبر للمصرع جيت، يا لأكبر صاح لساني گبل السانك من دمك سجل عنوانك * * * لصوب المخــــــــيم صاح أبــــــو اليمه يا بــني العــــــــيله سارعـــــــوا ابهمه هذا الأكــــــبر طاح عالـــــــترب جسمه للخـــيم شيــــــــلوه تنتــــــــظر امــــــه اتعنت عدنان، يا لأكـــبر اتشيل الجثمان، يا لأكبر يالشيعوا بالطف جثمانك من دمــك سجل عنوانك * * * يالفـــــــديت الروح وابذلت جهــــــــدك يبني عــــــــالدنــيه العفه من بعـــــــدك يا مــــن اتعــــــــفر بالـــترب خـــــــدك اللـيله ينــــــــتظرك بالخــــلد جــــــــدك جدنه المختار، يا لأكــبر شابــح أنظار، يا لأكبر اگصدله بصفحة احزانك من دمك سجل عنوانك * * * يالرحت ظــــــــامي بمهجــــــتك حسره برشفة الكــــــــوثر تخــمد الجــــــــمره فرحة استقــــــــبال للنــــــــبي تغـــمره يالخـلد ترعــــــــاك امــــك الزهــــــــره للزهره آوياك، يا لأكــــبر صوغه من ادماك، يا لأكبر وخل حيدر يشكر سعوانك مــــن دمك سجــل عنوانك * * * (لندن ـ 1992 م) |