|
|
|
چـــم مصـــــاب گلبـــي انصاب شاهـــــده ابــــــدمعة عيـــــني مـــن عــــفتك اعــــله الغـــبره وكــــــمّــــلت دور الــــثــــوره چــــم مـــــصاب گــلبي انصاب شاهــــده ابــــدمعة عــــيــــني * * * يــــــبن امــــــي يـــالبيك الشيم محتفّه هاك اخـذ عــــتــبـي خل يصوبك عتبي زيــــــنب انــــه الـــــشدّت وسام العفّه من صبـر گـــلبي چـــــم مصاب بگلبي والشــــرف بــــــأوصافي تكمّل وصفه يشهد لي ربي وبـــــيّـــه اعـــلم ربــي والاسـلاف بهالاوصاف بــــالغانمه امتـــوجيني من صـــبر امي الزهره كمّلــــت دور الــــثـوره چم مصاب گلبي انصاب شـــاهده ابدمعة عيني يـــحسين اخــذ من جرح گلبي المدمي حـــــالة الــــخدّر مـــــن سـبوا هالخدّر بـــــجور الـــــنوايب شــاركتني ابهمّي گلبــي المـــفطر عــــاليتامــه اتــــفطر حـــال اليـــــسر عـالحرم اصبح حتمي ســــارت بــــهالبر يــــا گــطيع المنحر والايــــتـــــام بــــــــالآلام لـــــمـن تـحس تــــاذيني ابــگلبي احملت چم جمره كــــمّـــلـت دور الثــوره چـم مصاب گلبي انصاب شـــــاهده ابــدمعة عـيني * * * يحــسين أخذ من دمعي وصف السجاد النـــــظر الحـــــاله حــــالي يشبه حاله من ثـــــگل اغــــــلال اليسر والأصفاد تدري شجـــــــراله گـــــــــطّعوا دلالــه مــــا شــــــايفه عـــيوني عليل وينگاد لشـــــدّة اغــــــلاله دمــــــعتي الهماله والســــجاد مــــن انگاد بالنايـــــبة يــــــناديني حيـّـــرني شــبلك بامره كمّلـــــت دور الثـــوره چم مصاب گلبي العناب شــــاهده ابدمعة عيني * * * يحســــين أخــذ من جمر دمعي الهمال چـــــلمة معــــــاتب والشـــــهم يتعاتب لو راحت اختــــه ميــــسره بذاك الحال بالأخـــــص زيــــــنب يـــا معزة زينب للكوفه لمّـــــن وصــــــل بينــه الجمّال گــــلبي المـــصوب بــالشماته اتصوب مــــن إنـــشال عالعسال راسك غــده ايواسيني وبالسبي لحــالي ينظره كمّلــــت دور الــــثوره چم مصاب گلبي انصاب شـــاهده ابدمعة عيني * * * طـــول الـــــدرب راســــك يلوح گبالي وجـــــهك اوصـافه المصطفه باوصافه وانــــسينه بـــــالبر واحــد من اطفالي والظعن عـــــافه اعله التــــرايب عافه والــــراس ظــــل يــــتلفت اعله عيالي للطـــــفل شـــــافه ثــــــگل لمـن شافه ابـلم عيال وجمع اطفال طول الـــدرب تــلگيني وحـــزّمت گلبي بصبره وكمّلــــت دور الثـــوره چم مصاب گلبي انصاب شـــاهده ابدمعة عيني * * * مــــن دخـــولنه المجلس الطاغي وراد الراســـــك يشــــوفه بالشماته يشوفه بصــــبر الگلب هدّمت عرش ابن زياد ابــــطبّت الكوفــــه اگـلبت وجه الكوفه بــــــالحزن خــــــليناها عگــب الاعياد الطاغيه بخــــوفه انـــفظح ناتج خوفه والطـــــغيان بالخسران والنــــصر صار الديني ما بيــــن بسمه وعبره كمّلــــت دور الثـــــوره چم مصاب گلبي انصاب شـــاهده ابدمعة عيني * * * لمــن وصـــــــلنه الـــــــشام وادخلناها ادّينه مــــــوقف مـــــا يــجاديه موقف ثـــــورتك بــــــارض الشــــــام كملناها بــــــايماني اهتـــــف للمظــالم اكشف والخـــــطبته الـــــسجاد مــــن ادّاهــــا خطــــــبته تـــوصف ظلم اميه توصف بـــــذاك اليوم يا مظلوم اسبــــيت الذي سابيني ورديـــــت الك منتصره كمّلــــت دور الــــثوره چم مصاب گلبي انصاب شـــاهده ابدمعة عيني * * * |
|
|
دمشق 1980 م |
