|
|
|
لســانك يصاحب ميزان حــــافظ عــــلى ميزانك * * * مــــن تــحچي يــــا صاحب تذكر دونك ميزان بيـــــه الـــــوادم أيــــقــــيسونك لســــانك حصـانك من تصونه ايصونك والمـــثل واضـح تنهان لــــمن تـــهين لســـانك * * * لا تجعــــل لســــانك ســهم بيه اتصيب ســــهم اليـــخطّي الهدف راعيّه يخيب وعــــورات غيــــرك لو شفتهن لتعيب يـــا صـاح كلّك عـورات والبيّــــنه ابخـــــفيانـك * * * لـــو چـــــنت صاحب ملمات واحساس مـــن تــــحكم احكم عدل ما بين الناس لمـــــن تـــــشيد لا تــــحط بــيدك فاس مـــن گـــبل تهديم الغير بـــي يـــــنهدم بــنيانك * * * ابــــدرب المـــهالك لا تـــحث بالممشه والــــما تــــنفعك انــــطي اذن الطرشه بفـــــالك مــــن اتــــلم الــدهر واتطشه تــشاهد حسابك مظبوط مـــن يـــــنضبط ايمانك * * * لـــو ردت تــــكرم حـــاجه لا تـــــبذلها صـــــاحب الــــدرّه لــو رخصها ايذلها غـــــايه البعـــــيده لــــو ردت توصلها لا تـــذب زور ابممشاك إمـــشي ابــقدر إمكانك * * * مــــن تصـــعد اعـــله العالي بالك تغتر اشـــما تـصعد ابعين اللي حدرك تزغر وبـــــگطعة الــــرمانه تـــــلحگ جعفر وگــعتك عالگاع اتصير مـــن منقصه عرفانــك * * * لو شــــفت واگـــع حــال ويريدك عون عـــــينه ولتــــطغه وتـــنگلبله فرعون هــل الك يظهر موسى وتشوفه اشلون حـــامل عـصاته ابيمناه وايــــغرگك ابـــطغيانك * * * لــــو صـــــح الــــك اخ بـــاخوة هابيل لا تـــــتّبع ويّــــاه غــــــاية قـــــابــــيل لــــو جـــاك أبــو مره ابتعد عنه وميل مـــن گـــبلي گله لقابيل صـــدته ابشرك بهتانك * * * لــــو والــــمك منـــــكر تـــبعّد عــــــنه لـــــو ردت درب الــــلي تــــحصل منه امشـــــي بـــــدرب سيـــد شباب الجنه اتــفوز ابنعيم الفردوس مـــن يــنشكر سعوانك * * * |
|
|
بغداد 1975 م |
