يـــا مـــــســـــــمـوم          يــــا مـــســـــــموم

جــــاهزه ثــــــياب الچـــــفن          ونـــــعـــشك الــــيوم انــدفن

مـــو مثـل الحسين

* * *

مـــا يجـــف دمـــع العين يشبه زمزم

مــــا ادري المــن هالجفن فاض بدم

عـــالگضه نحـبه وچبده ذايب بالسم

لـــو عــــلى الظــلع البالخيول اتهشم

بـــهاي المصـــــيـــبه اظـــن          هيّـــــن مـــــصاب الســـجن

مـــو مـثل الحسين

* * *

خيّــــمت يــــــالكاظم علــينه الاحزان

ومصـــــابك بـــــكل گلب وجّر نيران

هاليوم جســـــمك جهــزوله الاچفان

مــــومثل جـــــدّك چــــــفنوه بالتربان

يمّـــــــك اجــــــت شيــــــعتك          واتــــــشيّعت جــــــثــــــــتك

مــو مــثل الحسين

* * *

بــــسمّ الغــــــدر گلبك يموسى تگطّع

ومجـــمع الشيعه بهالمصاب اتصدّع

يالكاظــــم ونــــــعشك بهــــــيبه تشيّع

وجــــدك ثلـــــث تــيام ظل بالمصرع

لــــمـــن لفـــــــاك الاجـــــــل          نعــــــشك بهــــــيــبه انحمل

مــو مــثل الحسين

* * *

يـــا مـوسى گلبك ندري ذاب ابسمّك

ونـــــدري السـلاسل نشّفت كل دمّك

لاچـنه راسك ما انفصل عن جسمك

ولا ذبــــحوا انـــــصارك واهلك يمّك

راســـــــك ويــــــاك انـــدفـن          مــــا طـــلع ويّــــــــه الظعن

مـــو مـثل الحسين

* * *

يـــالكاظم ولـــــو گـلت بيدي الاصفاد

گــــــبلك انـــــشدّت بـــيها ايد السجاد

ارد انــــــشدك شـــايف عليل وينگاد

وهـــــم شـــفت رضّع تنذبح بالامهاد

يـــــــا موسى سـجنك سهل          مـــــا انذبح بــــــيدك طــــفل

مــو مــثل الحسين

* * *

يـا موسى من غدروك گوم الاشرار

چـــــانت عـــــــيالك آمنــه بذاك الدار

وعـــــيال جـــــدك صاربيها الماصار

ارد انشــــــدك شـايف خيم تلهب نار

مـــــا شـــفت حــــرگ الخيم          ومــــسمعت صــوت الحرم

مـــو مــثل الحسين

* * *

يــا مــوسى جسمك ما توسد الرمال

ولا الــــك راس انـرفع فوگ العسّال

ولا الــــك عـــيله انسبت ويه الجمّال

ولا عــــفت بـــالغربه حراير واطفال

اشـــــما صـار حـالك صعب          ما عـــــفت عــــيله بـــغرب

مـــو مـثل الحسين

* * *

مشهد المقدس 1982 م