|
|
|
يـــا گمر عـــــدنـان مــن طاحت الرايه ما ظل خدر للعايله وحــرگوا الصيوان مــن طاحت الرايه * * * زيـــــــنب اتعــــــنت للنــــــهر مـــــرعوبه وصــاحت ابصرخه ويه الدمع مصحوبه يا ابا الفــــضل اخــــــتك أنـــــه المهــيوبه وأستـــــار خـــــدري ابــــرايتك مضروبه وعگـــــبك يعباس لا خــــدر لا ثـــايه وخدري البنيته ابكربلا اتــــوجر ابــــنيـران مـن طاحت الرايه * * * يـــا ابا الـــفضل عالخيم غارت الصفوف يا ريت عــــندك نظــــر ســـالم واتشوف ويــــا ريت مــــا مگطوعه منك الچفوف چـــــان الحرم مــا حست ابلوعه وخوف مـــن غارت الخيل مــن هجمت عدايه ظلـــــت اگلوب اموجله وجــــارت العدوان مــن طاحت الرايه * * * يــــا ابا الفـــــضل بالخـــــيم ريتك موجود ويـــــا ريت مـــا صوّبك ذاك العــــامـــود مـــا چــــان خيـــــل اعداك داست الحدود ولا چـــان خـــدر الحـــــرم منهن مفگود راح الخـــــدر راح مـــن راح حــمّايه والحرم ظلت معوله ومصـــدر الاحزان مــن طاحت الرايه * * * يـــا ابــــا الفضل بالصدر ضاگت الانفاس هاك اخــــذ أصــــوات العتب يـــــا عباس وانـــــچان عذرك بالعمــــد صاب الراس ظـــــلع أبــــو اليمه ابحافر الخـــيل انداس وانتهض من جيت يــم جسمه شچايه وجثته ابدمها امغســـله والچــــفن تــــربان مــن طاحت الرايه * * * يــــا ابا الفــــــضل وين العهد أصبح وين للنخوه ردتـــــك تنـــــتهض مثـــل حسين لتـــــگول عذرك بـالسهــــــم صاب العين ولتـــگول ما عنـــدي يـــــــسار ولا يمين اتــــعنت هـــــالعيال للنـــهر ويــــايـــــه ومنــــها المدامع هامله وزادت الاشجــــان مــن طاحت الرايه * * * يــــا ابا الفـــــضل وانته التــــكفلت حـماي لا تـــــضن جيـتك أشكي من نار اضماي مــــن الــــماي جـــزنه وبعد منريد الماي لاچــــن اجيـــــت أرد آخـــــذ الجود وياي راح أتـرس الجود ابـــدمعتي الهــمايه وأروي الگلوب الذابله وچم گلب عطشان مـــن طاحت الرايه * * * چــــنه الگـــــمر جـــــاوب ابگلبه الدامي بـــــهذا العتـــــب لتـــــــهيــــــــجين آلامي سهـــــم العـــــتب هالنوب فوگ اسهامي ما خنـــــت عـــــــهدچ خانــــــتچ أيـــامي مــــا خنــت العهود امســــجلها بدمايه لاچن وحگ سيد المله حكـــــم الدهر خان مــن طاحت الرايه * * * |
|
|
طهران / 1983 م |
