|
|
|
مصيــــبتكم يشبل الحسن ياليت وعلى جدك خيول الگوم ياليت ردتك حــــاضر بــــكربلا ياليت وتــــنظر عــــمّتك بين آل اميه * * * الـــدهر بالگلب لسهامه عيّنها وچبدتي مصاب أبو اليمه عيّنها الســـميّه بــدارها العامر عينها وزيــــنب بــاليـسر راحت سبيه * * * أدمـــن للگــلب يحسين يرحين وبس الهن دموع العين يرحين خواتك لليـــسر عالهزل يرحين ويعــــوفن جثــــتك بالغاضريه * * * مـــرت عــــالعقيله ايام شامات يسيره وشاهدتها عيون شامات تنسه الكوفه لو محنة الشامات لو تــــنسه ضحــــايه الغاضريه * * * انسلب عگلي يهالغايب ونبهاي أهي غيبه ويمته تفض ونبهاي يگــــولون الصبر طيّب ونبهاي أگـــول الصبر مــن طعم المنيه * * * |
