|
|
|
يا أيها المخضوب بالدمــــاء تبكيك أهل الأرض والسـماء * * * هالليله الكون ابيا حالــــــــه شنوصف يا داحي البـــــــاب جف بحر الاحسان الليــــــله ودمك فايض بالمحــــــــراب انت الحافظ دم كل مسلــــــم دمك ليش يصير اخضــــــاب ورافع راس الانسانــــــــــيه راسك ليش اليوم انصـــــاب بدمعة تجري من الأحشـــاء تبكيك أهل الأرض والســماء * * * يا أشرف موجود اتكــــــون صوت الحگ صاح ونــــاداك لو دم كل العالم يجـــــــــري ميعادل گطره من ادمــــــــاك هالليله الدنيه وما بيــــــــها بدموع مصابك تنعــــــــــــاك كل ذره بهالكون تنــــــــادي يا حيدر يصعب فرگــــــــــاك يا جوهر الإخلاص والوفـاء تبكيك أهل الأرض والســماء * * * يا خازن أسرار الخالــــــــق اسمع صرخـــــــة جبرائـــيل ايعزي الأملاك اعله مصابك يا حيدر ودموعه تســـــــــيل فطرس ما نشفت دمعــــــاته يشارك دمعة اسرافــــــــــيل مفجوعه الاملاك الليــــــــله واترتل بسمـك ترتـــــــــــــيل بالنوح والأشجان والعـــزاء تبكيك أهل الأرض والســماء * * * مفجوع الدين اعله مصابــك والمصحف يجـــري العبرات والاحكــــــــام القرآنـــــــــيه انهظمت واتعـــــــزي الآيات والانجيل ينوح لفگـــــــــدك وتسيل دمـــــوع التـــــــوراة والتخليد يصيح باســــــــمك حيدر ظل خالد مــا مــــــــات يا مجمل القرآن في القضاء تبكيك أهل الأرض والســماء * * * كل مرسل مفجوع اللــــــيله بمصابــــك آدم مصــــــــيوب وابراهيم وموسى وعــيسى وادريــــــــس ونوح وأيــوب واتجدد يوسف وفراگــــــــه ونعادت لوعــــــة يعـــــگوب وسليمان ويونس ناحــــــوا من شافوا شيبك مخضـــــوب ومريم تدعو مع النســـــــاء تبكيك أهل الأرض والســماء * * * من دمك زمزم يتفايـــــــض يا حيدر والكعــــبة تنـــــــوح بيت المقدس مظلم أصــــبح وانخلط مصابك عاللــــــــوح واتصلت من مكه ليــــــثرب آلام وعـــــــبرات ونــــــــوح ريت تروح أرواح العــــــالم ولا روحـــــــك هاليوم تروح يا آية التوحــــــيد والإبــــاء تبكيك أهل الأرض والســماء * * * غابت شمس الانسانــــــــيه بغيابك يا حامــــــــي الجــــار هاليوم أصبح موحـش دارك صارت هالوحشه بكـــــل دار واتيتمت هاليوم اطــــــــفالك زينب صاحت يا كـــــــــــرار يا دمعه الأگدارأجريـــــــــها وبالمدمع تخمد يـــا نــــــــار خذ دمعةً تصحب بالنــــــداء تبكيك أهل الأرض والســماء * * * (لندن ـ1993م) |
