|
|
|
إنَّ الحسين عقيدة وجهاد ثار وقـــد ردَّد قــــــــوله هيــــــــهات منَّا الذلّـــــه إنَّ الحسين عقيدة وجهاد * * * هذا السسؤال ابكل عصر نسمع الناس اتعيده والسؤال ايگــــول ليش ابو السجاد امتنع للبيعه ما مد ايـــــــده شنهو راد اينـــول لوگلت من أجل الحكم للذبح قدم جـــــــــــيده هذا مو مقـــــــبول جاوبنه يالعندك عقل واحنه الـــــجواب نريده بالحچي المعــقول ماذا أراد برفضه لزيـــاد والصوت يردِّد حوله هيــــــــهات منَّا الذلّـــــه إنَّ الحسين عقيدة وجهاد * * * شنهو السبب سبط النبي خالف يزيد وامـــره واضحه الأســباب انت اسألت واحنه بعقل نعرض الك هالفــكره يالتريد اجــــــواب تقبل يزيد اعله العرش يحكم وبيده الخــــمره وللشرع ميــــهاب هالسبب سبط المصطفه عالظلم اعلن ثـــوره بأهله والأصحــاب الدين يأبى منكراً وفساد بل يرفض تلك الدولـــــه هيــــــــهات منَّا الذلّـــــه إنَّ الحسين عقيدة وجهاد * * * وثاني سبب واضح الك لو چنت واعي وفاهم هالسبب معــروف والنوب آنه أسألك تقبل يحكمك حاكـــــــــــــم بالغدر موصـــوف يهالحاله وبهذا الوضع چانت تعــــيش الوادم بالظلم والخــــوف وحسين يرفض هالحكم ميريد حاكـــــــم ظالم بالدجل مشغـــوف قال الحسين مقالةً بسداد لو أقتل أفجــع قتــــــــله هيــــــــهات منَّا الذلّـــــه إنَّ الحسين عقيدة وجهاد * * * انظر الحاله التختلف وابفكرك اتأملــــــــــــها وقارن ابتفكــــــير هذا يزيد بهالظلم للناس راد ايذلــــــــــــــــها عالضلاله ايســـير وهذا ابو اليمه لأمته ايفكر ابمستقـــــــــــبلها ورايد التحريــــــر عزة الهادي عزته وللذله ما يقبلــــــــــــــــها صوته النه ايشير لو خيِّرت روحي لنيل مراد بـــين الذلّة والسِّلــــــــه هيهات منّا الذلّه إنّ الحسين عقيدة وجهاد * * * أول هدف من ثورته سيد شباب الجــــــــــنه ايحرر الاجـــــــيال نفّذ مطالب امته وحصل اشما يتمـــــــــــــــنه وحقق الآمـــــــال من مكه طوح بالظعن لرض الطفـــوف اتعنه بعايله واطفـــــــال لجل الهدف نحره انگطع والدم تفايـــض منه دمه بالطف ســـال ودماءه هتفت بصوت رشاد جئت بأصحـاب قلّــــــــه هيهات منّا الذلَّه إنَّ الحسين عقيدة وجهاد * * * عطشان ذبحوه العده تطفه وتشب ابگلــــــبه جمــــــــــره الآلام جالت الخيل اعله الجسد هالنكبه افجع نكـــبه تشـــــــهد الأيـــام سلبو احسين ابكربله و گوم الغدر من عگـبه سلبوا الايــــــــتام وعياله ظلت حايره فوگ الهظم والغربــــــــه اتيسرت للــــــشام آل الرسول أسيرة وتقاد قد هتفت حتّى الطفـــــله هيــــــــهات منَّا الذلّـــــه إنَّ الحسين عقيدة وجهاد * * * (لندن ـ1992م) |
