|
|
|
نحن أدرى بالصواب نحن أولى بالعــــتاب كلِّمونا وأسألونـــــــا وخذوا منا الجـــواب نحن أولى بالعــــتاب * * * بين واقعنه نعيشه وبين اكاذيب الخـــــــــيال مرت الوادم ابفتره شيبت حتى الأطـــــــــفال نزعت ثياب الهداية ولبست ثياب الضـــــلال وبدت تطلب نـــــــيلا فاشلا مثل الســـراب نحن أولى بالعــــتاب * * * نريد نتحره النفوس الطاهرة من الفاجــــــره النه مكشوفه الخفايه وصار دور الدايـــــــره وگبل ما ينشد الناشد للجــــواب انحــــــضره إخــــــــوة كــنا لماذا فتحوا للظلم بــــــاب نحن أولى بالعــــتاب * * * ارجعنه ناشدنه الضماير هالتسيب ليش صار اخوه چنه براي واحد اخوه عشنه بهالديــار ليش أظهرتوا الشتات وليش غيرتوا المسار هل بخسناكم حقــوقا أم خطئنا في حـساب نحن أولى بالعــــتاب * * * انقدم ارواح لوطننه واحنه منـــــبع للوفــــه يا سبب أهل المكايد بدت ويـــــانه الجــــــفه يصير عاميهم طمعهم لو جهل بيها اختـــــفه كم تأملنا جـــــــــوابا كي يزول الإضطراب نحن أولى بالعــــتاب * * * بالضلاله وبالتمادي وبالطمع عبرت حــــدود طغمه لا هيه نصارى ولا مجوس ولا يهـــود بالعبث صارت تمارس حكم فرعون وثـــمود طعنت دين محــــــمد حرفت نهج الكـــتاب نحن أولى بالعــــتاب * * * مسلمه ابدعواها لاچن بايعت أهل الشــــــرك يا سبب هاي الأعراض الحره صارت تنـهتك وهذا دم الأبرياء بيا شريـــــــعه ينســــــــفك أي ذنب لليــــــــتامى يعتريها الإكتــــــئاب نحن أولى بالعــــتاب * * * انخدعت بهاي الاطماع وتظن هيه الخادعــه انصاعت لحكم الطغاه وللمـــــذله طايــــــــعه بالمظالم والمكايــــد والدجـــــــل متولـــــــعه وآتدت ثوب الجــرائم قبل وقع الإرتــــكاب نحن أولى بالعــــتاب * * * تحت رايات الضلاله انضمت ودخلت حروب ومن بعد هاي الخســاره رادت اتكفر الذنوب اتناست الفتره الوخيمه وبالدجل رادت تتوب فلماذا دون حــــــرب أشرعت تلك الحراب نحن أولى بالعــــتاب * * * اهتمت ابحفظ المطامـــــــع والاماني الفاشله مثل ما فشلت اماني آل امــــــــيه بكـــــــربله رادت بدم ابواليمه للكــــــــيان اتحصـــــــــله قلب الأمر عـــــــليها ارتضت خزي العذاب نحن أولى بالعــــتاب * * * (بغداد ـ 1980م) |
