|
|
|
هل ينور الننتظر ملگــــــــاك هـــل امتك شافت عــــگب عيــــــــناك ذل * * * وين يا من بيدك ازمام الأمــــــــــر بانتظارك خلصت سنين العــــــــــمر بعد ما ظلت وسيله للصـــــــــــــبر والعمر صعبه نعيشه ابغير خـــــــــل * * * صرنه عگبك بين مسجون وغريب روسنه شيبت من گبل المشــــــــيب جروحنه امخزنه وما الها طبيــــب دونك اخذ گلوبنه وللجرح شـــــــــل * * * والأشد من هالوضع يبن الحــــسن صرنه بين صفوفنه انثير الفـــــــتن والبعض كفرت وسجدت لــــــلوثن والنفس ما بين فتنه وبين غــــــــــل * * * بالرذيله نفوس ما خذها الــــــهيام ابعشوة المنكر تخـــــبط بالظــــــــلام بعد ما تعرف الحل من الحــــــــرام والحرام اليوم عــــــــدهم صار حــل * * * سيدي والدين مشرف عالهـــــــلاك سلعه اصبح بين هذا وبـــــــين ذاك واليعيد احگوگ دينه ما ســــــواك گوم يبن الحسن للبـــــــتار ســــــــل * * * يا بقية آل عدنان ونـــــــــــــــــزار گوم اسرج خيلك وثــــــــير الغــــبار الأمل بالله وبيك يالمحجوب صـــار اگصد لكربله وبالأنـــــــوار طــــــــل * * * اسحگ اعله الجثث يالغايب وفوت ومن تصل يم گبر جدك صيح صوت يا سبب عطشان يا جدي تمــــــوت وليش جسمك بالشمس من غير ظل * * * وبعد انشد ليش عبد الله ذبــــــــيح واعله صدره من النحر دمـــه يسيح ويم گبر عمك گمر عدنان صـــــيح هل يدمع العين عالعباس هــــــــــــل * * * وگبل ما للثار تحمل رايـــــــــــــتك خلها تسمع هالعوالم صرخـــــــــــتك يا سبب يسروا زينب عـــــــــــمتك وليش عگب الخدر سارت على البل * * * چنها مو بت فاطمه وجدها النـــبي على ظهور النيب راحت للســـــــبي غالب أهل الابه ولا من غالـــــــبي يحمي حدها، يا وسف راحت الكــــل * * * (لندن ـ1993م) |
